← qut.kz

Telegram мен WhatsApp-та Kaspi төлемін қабылдау

Telegram арқылы Kaspi шот жіберу де, WhatsApp-та Kaspi төлем қабылдау да Qut Pay арқылы жасалады. Qut Pay — сіздің Kaspi Pay аккаунтыңыздағы «Кассир» рөлі арқылы жұмыс істейтін тәуелсіз сервис. Кассирді кабинетте бір рет қосасыз, одан кейін Kaspi шотын чаттың өзінен жібересіз: Telegram-дағы @QutPayBot-қа /invoice 5000 77001234567 деп жазасыз, өз ботыңыздан API арқылы шот жасайсыз, не WhatsApp-та чат-бот сатып алушыға жауап беріп, шотты оның Kaspi қосымшасына телефон нөмірі бойынша жібереді. Сатып алушы төлемді Kaspi-де растайды, ақша тікелей Kaspi Pay шотыңызға түседі, ал сізге төлем туралы хабар келеді.

Сатуға арналған Kaspi бот жасау үшін бағдарламашы міндетті емес. Ол тек тауар каталогы мен себеті бар өз ботыңызға керек. Qut Pay-дің Telegram-боты, эфир-сауда, WhatsApp арқылы шот жіберу және жазылым клиенттеріне еске салу кабинетте бапталады.

Қай тәсіл сізге керек

Не керекНемен істейсізКод керек пеQut Pay тарифі
Телефоннан шот жіберіп, төлемді көріп отыруTelegram-бот @QutPayBot: /invoiceжоқкез келген
Өз Telegram-ботыңызда сату: тауар → төлем → тауарды беруAPI POST /api/v1/invoices + webhookиәкез келген
WhatsApp-та сатып алушыға жауап беріп, Kaspi шотын жіберу«WhatsApp чат-бот» (бөлек жазылым)жоқ«Шағын» — «Бастау»-дан, қалғаны — «Бизнес»-тен
TikTok пен Instagram эфирі: бронь нөмірі бойынша«Эфир-сауда»: Chrome кеңейтімі не QRжоқкеңейтім — кез келген, QR — «Бизнес»-тен
Эфирден тыс, телефоннан WhatsApp арқылы шотQut Pay-дің WhatsApp нөмірі: 12000 77011234567жоқкез келген
Жазылым клиентіне төлемді еске салуTelegram, email және WhatsApp арқылы еске салужоқWhatsApp — «Бастау»-дан

Қай тәсіл болса да Kaspi Pay бизнес-аккаунты (ЖК немесе ЖШС) және кабинетте жалғанған, бөлек нөмірлі кассир керек: кассирді 15 минутта қосу. Бәрін алдымен тест режимінде, нақты ақшасыз тексеріп аласыз.

Qut Pay Telegram-боты: /invoice командасымен Kaspi шоты

@QutPayBot — Qut Pay-дің барлық ұйымға ортақ боты. Бұл Kaspi Bank-тің боты емес: ол шотты сіздің кассиріңіздің атынан жібереді. Кабинетті ашпай-ақ телефоннан шот жібересіз, төлем туралы хабарды да сонда аласыз.

Қалай қосылады

  1. Кабинет → Баптау → Telegram-бот → «Байланыстыру кодын алу». Код 15 минут жарамды, бір-ақ рет істейді.
  2. Telegram-да @QutPayBot-ты ашып, /start КОД деп жазыңыз — жеке чатта не жұмыс тобында.
  3. Бот байланысқанын растайды. Бір ұйымға бірнеше чат қосуға болады: мысалы, сатушылар тобы мен өз жеке чатыңыз.

Командалар

КомандаНе істейді
/invoice 5000QR мен төлем бетінің сілтемесі бар шот
/invoice 5000 77001234567Шот тікелей сатып алушының Kaspi қосымшасына кетеді
/invoice 5000 77001234567 КеңесДәл солай, сипаттамасымен
/todayБүгінгі түсім және ашық шоттар саны
/lastСоңғы 10 шот
/status inv_…Шоттың күйі және чегі
/cancel inv_…Шотты болдырмау
/support мәтінҚолдауға сұрақ, жауап осы чатқа келеді

Қазақша-орысша баламалары да істейді: /шот, /счёт, /бүгін, /сегодня. Жеке чатта команданы жазбасаңыз да болады: 5000 Сабақ деген хабардың өзі 5 000 ₸ шот жасайды. Нөмірді қалай жазсаңыз да түсінеді: 8 700 123 45 67, +77001234567. Топта команданы бот атымен жазған сенімдірек: /invoice@qutpaybot 5000. Топта шотты кез келген қатысушы жасай алады, сондықтан топқа кімді қосатыныңызды өзіңіз шешесіз. Толық тізім: Telegram бот командалары.

Сатушыға келетін хабарлар. Байланысқан чатқа мыналар келеді: «✅ ТӨЛЕНДІ» — сомасы, сипаттамасы, тапсырыс нөмірі, клиент деректері және чек нөмірімен; қайтару; шоттың мерзімі өтті; шот болдырылмады; төлем сәтсіз; Kaspi кассирінің байланысы үзілді — қайта қосу сілтемесімен; айлық лимит таусылуға жақын. Ботты қосудың басты себебі — осы үзілу туралы хабар: сатып алушы «төлей алмай жатырмын» деп жазбай тұрып-ақ білесіз. Қосу жолы: Telegram-ботты қосу.

Ақшаны қайтару боттан жасалмайды — тек кабинетте және API арқылы, өйткені бот чатын көп адам көруі мүмкін. Бот үндемесе: Telegram бот үндемейді — тексеру реті. Толығырақ: Telegram-бот нұсқаулығы.

API арқылы өз Telegram-ботыңыз

Өз ботыңызда тауарлар болса, ол Qut Pay-ге тікелей жүгінбейді: ортада сіздің сервер тұрады, API кілті тек сонда сақталады.

  1. Сатып алушы тауарды таңдап, «Төлеу» батырмасын басады.
  2. Сервер POST /api/v1/invoices арқылы шот жасайды, metadata ішіне chat_id жазады.
  3. Бот payUrl сілтемесін жібереді, ал сатып алушының нөмірі белгілі болса, шот бірден оның Kaspi қосымшасына кетеді (kind: "phone").
  4. Төленген соң Qut Pay серверге invoice.paid webhook-ын жібереді, бот metadata.chat_id бойынша тауарды береді.

Python:

import requests

r = requests.post(
    "https://api.qut.kz/api/v1/invoices",
    headers={"X-API-Key": API_KEY, "Idempotency-Key": f"tg-{chat_id}-{cart_id}"},
    json={
        "amount": 5900,
        "kind": "qr",
        "description": "Тапсырыс 1041",
        "externalOrderId": str(cart_id),
        "metadata": {"chat_id": chat_id},
    },
    timeout=15,
)
inv = r.json()
bot.send_message(chat_id, f"Төлеу: {inv['payUrl']}")

Сатып алушының нөмірін Telegram-дағы «Контакт жіберу» батырмасымен сұрап аласыз. Сонда "kind": "phone" пен "customer": {"phone": "77010000000"} жіберіңіз: шот Kaspi қосымшасына түседі, ештеңе сканерлеудің қажеті жоқ (сома — бүтін теңге, сипаттама — 60 таңбаға дейін).

Webhook HMAC-SHA256 қолтаңбасымен келеді: қолтаңбаны сұраудың өңделмеген денесі бойынша тексеріңіз, әр шотты бір-ақ рет өңдеңіз (жеткізу 11 ретке дейін қайталанады) және late: true белгісін ескеріңіз — ақша мерзімі өтіп кеткен шотқа түскенін білдіреді. Сатып алушы батырманы бес рет басса да, Idempotency-Key екінші шот ашқызбайды. Алдымен бүкіл циклды qp_test_… кілтімен өткізіңіз: шот → simulate → webhook → бот тауарды берді. Дайын SDK: Node.js, PHP, Python. Node.js мысалы мен төленбеген шоттар үйіліп қалмауының жолы: Telegram ботында тауар сату; API-дің толық сипаттамасы: интеграция.

Telegram ережесі бойынша бот не mini app ішінде сатылатын цифрлық тауар мен қызмет тек Telegram Stars арқылы төленеді. Өз жағдайыңызға Telegram ережесін тексеріңіз; толығырақ — баланс толтыру пакеттері бетінде.

Ботыңыз Salebot-та ма? Kaspi шоты бір «API-запрос» блогымен, кодсыз жіберіледі: Salebot + Qut Pay.

WhatsApp-та Kaspi төлем қабылдау

WhatsApp-та төлем сілтемесі жіберілмейді: WhatsApp сілтеме тарататын нөмірлерді бұғаттайды. Сондықтан WhatsApp арқылы Kaspi шоты телефон нөмірі бойынша — тікелей сатып алушының Kaspi қосымшасына кетеді. Qut Pay-де бұған чат-бот, эфир-сауда, Qut Pay нөміріндегі бот және жазылым клиенттеріне еске салу бар.

WhatsApp чат-бот: сатып алушыға жауап беріп, Kaspi шотын жібереді

«WhatsApp чат-бот» (кабинет → WhatsApp чат-бот) сатып алушылардың сұрағына WhatsApp-та сіздің білім базаңыз бойынша жауап береді, Kaspi шотын жібереді, ал білмегенін менеджерге береді.

WhatsApp чат-бот тарифтері

Чат-бот — бөлек жазылым, ол негізгі Qut Pay тарифінен бөлек төленеді. 22.11.2026-дан бастап бес тарифі бар:

Чат-бот тарифіАйына бағасыЖауап саныҚандай Qut Pay тарифі керек
Шағын9 990 ₸айына 20 000, күніне 1 000-ға есептелгентөленген «Бастау» не одан жоғары
Негізгі22 491 ₸айына 50 000, күніне 5 000-ға есептелгентөленген «Бизнес» не одан жоғары
Pro39 990 ₸айына 100 000, күніне 8 000-ға есептелгентөленген «Бизнес» не одан жоғары
Корпорация59 990 ₸айына 150 000, күніне 10 000-ға есептелгентөленген «Бизнес» не одан жоғары
Безлимит99 990 ₸айлық шек жоқ, бірақ күніне 12 000-нан аспайдытөленген «Бизнес» не одан жоғары

Эфир-сауда: бронь нөмірі бойынша

TikTok не Instagram эфирінде сатып алушы тауарды нөмірінің соңғы 4 санымен броньдап, WhatsApp-ыңызға «4412» деп жазады. Бот соманы сұрайды, «5000», «5 мың», «3500 ден екі» дегенді түсінеді, сатып алушының нөміріне «Бронь нөмір: 4412» түсініктемесімен Kaspi шотын жібереді, төлегенде чатқа «✅ Төленді» деп жазады. Сатып алушы соманың орнына сұрақ қойса, бот үндемейді, ал чат кабинеттегі «Менеджер жауап берсін» тізіміне түседі.

Эфирде қалай жүретіні және бот тағы не істейтіні: TikTok пен Instagram эфирінде сатушыларға. Көмекшімен жұмыс реті мен төлемді бақылау: TikTok тікелей эфирінде сату.

Телефоннан WhatsApp арқылы Kaspi шот

Эфирден тыс шотты Qut Pay-дің WhatsApp нөміріне бір жол жазып жібересіз. Өз WhatsApp-ыңыз өзгермейді.

Клиент төлегенде сол чатқа «✅ Төленді» келеді. Кабинетке кіретін нөміріңізден жазыңыз; көмекшілеріңізді Қызметкерлер бөліміне қосыңыз. Баптауы: Кабинет → Баптау → «WhatsApp арқылы счёт». Кез келген тарифте істейді.

Жазылым клиенттеріне еске салу

Абонементті, курсты не қызметті жазылыммен сатсаңыз, Qut Pay клиентке шот туралы өзі еске салады: алдын ала — 1–7 күн бұрын (әдепкіде 1 күн бұрын), шот төленбесе — 1 және 3 күннен кейін. Ақша өздігінен алынбайды: әр шотты клиент Kaspi қосымшасында өзі растайды, ал еске салу оған төлемді өткізіп алмауға көмектеседі.

Кабинеттің Жазылымдар бөлімінде қосылады: жазылым клиентіне еске салу, жазылым бизнесі.

WhatsApp қай тарифте жұмыс істейді

ТегінБастауБизнесЖеліСеріктес
Айына бағасы0 ₸4 990 ₸14 900 ₸39 900 ₸79 900 ₸
Айына төлем208004 00015 00030 000
Telegram-бот @QutPayBotиәиәиәиәиә
Qut Pay-дің WhatsApp нөмірі арқылы шотиәиәиәиәиә
Эфир-сауда: Chrome кеңейтіміиәиәиәиәиә
Эфир-сауда: компьютерсіз, QR арқылыжоқ«Шағын» чат-ботпениәиәиә
Жазылым бойынша WhatsApp еске салу, айынажоқ1004001 5003 000
WhatsApp чат-ботжоқ«Шағын»бес тарифтің бәрібес тарифтің бәрібес тарифтің бәрі

7 күндік сынақ кезеңінде QR режимі бар, WhatsApp еске салу — 20, чат-бот сатылмайды. Төленген әр шот — Telegram-нан, WhatsApp-тан не API-ден болсын — айлық төлем лимитіне кіреді. Платформа төлемнен пайыз алмайды; Kaspi өз комиссиясын бөлек ұстайды, бізсіз де солай. Толығырақ: тарифтер, толық шарттары.

Алдын ала білетініңіз

Жиі қойылатын сұрақтар

Telegram-ботта Kaspi төлемін бағдарламашысыз қабылдауға бола ма?

Иә. @QutPayBot-ты қосасыз: /invoice 5000 77001234567 командасы шотты сатып алушының Kaspi қосымшасына жібереді, төлем түскенде бот хабар береді. Бағдарламашы тек өз ботыңыз шотты өзі жасап, тауарды өзі беруі керек болса қажет. Salebot-та бұл «API-запрос» блогымен, кодсыз жасалады.

WhatsApp чат-бот сатып алушыға төлем сілтемесін жібере ме?

Жоқ. Шот сатып алушының Kaspi қосымшасына телефон нөмірі бойынша келеді — WhatsApp нөміріне не ол айтқан басқа Kaspi нөміріне. WhatsApp сілтеме тарататын нөмірлерді бұғаттайды, сондықтан бот төлем сілтемесін жібермейді.

«Безлимит» шынымен шексіз бе?

Айлық шегі жоқ, бірақ бот күніне 12 000 реттен артық жауап бермейді. Одан кейін Алматы уақытымен келесі күнге дейін тоқтайды, жаңа хабарлар менеджерді күтеді. Бұл — спамнан және басқа автожауапшымен айналып қалудан қорғау. «Безлимит»-ке +20 000 жауап пакеті сатылмайды.

WhatsApp чат-бот қай тарифте істейді?

«Шағын» төленген «Бастау» не одан жоғары тарифке қосылады, қалған төртеуі — «Бизнес» не одан жоғарыға. Чат-бот негізгі тарифтен бөлек төленеді. Сынақ кезеңінде ол сатылмайды, бірақ кабинеттегі тест чатта байқап көруге болады — күніне 20 хабар.

Нөмірімді WhatsApp бұғаттап тастамай ма?

Кепілдік бере алмаймыз. Бұл WhatsApp-тың ресми құралы емес: чат-бот пен эфир-сауда байланысқан құрылғы не WhatsApp Web арқылы жұмыс істейді, ал WhatsApp автоматты жауап беретін нөмірді шектеуі мүмкін. Бот тек өзіне бірінші жазғандарға жауап береді, төлем сілтемесін жібермейді. Тәуекел алғыңыз келмесе, шотты Qut Pay-дің WhatsApp нөмірі не Telegram-бот арқылы жіберіңіз: өз WhatsApp-ыңызда ештеңе өзгермейді.

Qut Pay — Kaspi-дің серіктесі ме?

Жоқ. Qut Pay — тәуелсіз сервис, Kaspi Bank-тің серіктесі емес және онымен аффилирленбеген. Ол Kaspi Pay-іңіздегі «Кассир» рөлі арқылы жұмыс істейді, ақша тікелей Kaspi Pay шотыңызға түседі, Kaspi өз комиссиясын бөлек ұстайды. Кассир байланысын кабинеттен кез келген уақытта үзесіз.

Тақырып бойынша тағы: Kaspi Pay API сайтқа, Kaspi шотын нөмірге жіберу, Kaspi және 1С, Kaspi сервистерін салыстыру.

Telegram мен WhatsApp-та Kaspi төлемін қосыңыз

Тіркеліңіз, Kaspi Pay кассиріңізді жалғап, бәрін тест режимінде тексеріңіз.

Тіркелу Telegram-бот WhatsApp нұсқаулығы

Qut Pay — тәуелсіз сервис, Kaspi Bank-тің серіктесі емес; Telegram, WhatsApp және Meta-ға да қатысы жоқ. Жұмыс үшін Kaspi Pay бизнес-аккаунты (ЖК немесе ЖШС) керек. Толығырақ: эфир-сауда, Salebot, тарифтер, сенім орталығы.

Жаңартылды: 2026-11-22